有乜野你會好專心咁玩.....?一路傾電話, 但係一路係度好專心咁睇電視, 激死個在電話中既女朋友..?

一路同老細開會, 一路好專心咁玩sms....?老細問你明唔明...即刻o晒嘴...?

一路陪阿媽飲茶, 一路好專心咁玩nds...?阿媽話同仲慘過同啲師奶飲茶...因為唔駛幫啲仔女洗杯同攞點心..

一個結左婚, 但係仲有一個女朋友..人地問佢:咁你係想玩下, 定係想選擇下..?佢話:我同老婆感情好好, 唔會離婚. 問:咁即係玩玩下...?答:唔係..我對呢個女朋友, 係好專心咁玩架.!!原來而家既男女感情, 真係可以好似玩具咁, 可以好專心咁玩, no big deal!!!!

佢既朋友, 話佢對老婆, 做足晒本份, 仲好過其他無二婆既男人....喺佢地幾角關係既世界裡, 唔存在唔公平, 因為佢老婆完全唔會感到佢老公有咩對佢唔住, 仲好幸福tim.  個二婆你情我願...冇人因為呢件事受害咁話...

我好唔開心, 呢件事真係唔關我事, 但係我真係好唔開心...點解, 而家既世界會同我既思想會咁唔align....我同佢總括左一句....件事如果冇任何欺騙既成份, 佢老婆如果係知道佢老公咁, 但係都好全心全意咁感到幸福, 咁我同意, 即係冇唔公平既原素...只係佢地幾個個價值觀好夾囉....但係...如果有欺騙既成份...佢老婆真係好慘, 雖然佢老公比到佢"對佢好好"既感覺, 但係我諗唔到呢啲點講得上係公平...囉....

我真係唔識講.....

跟住, 有人話比我聽, 有個睇相婆好出名, 好準...人地話, 如果果個人心地唔好, 佢會叫佢以後唔駛再揾佢睇, 因為佢唔想見到啲心地唔好既人...我講笑咁講, 咁不如叫阿邊個邊個(有二婆既男人)去睇, 睇下人地會唔會叫佢以後唔駛揾佢..?

朋友話:佢有兩個"老婆"唔代表佢係壞人架噃.......

我明, 感情既野係好難控制, 但係個main point 係, 一個做左傷害人but連一啲內疚都冇既人, 仲理直氣壯覺得自己好叻, 老婆仲好幸福...咁我真係唔敢茍同, 最心痛係...點解我身邊既朋友都覺得佢唔係壞人, 我對呢個世界, 好驚, 好失望....點解人要去著皮草, 點解人要去將啲貓貓狗狗殘殽, 點解人要食猴子腦.......都唔緊要, 我既底線係....點解人做左呢啲野....都唔覺有問題...一啲內疚同感覺都冇....唔通我真係要去........襌修..?@_@

呢個年代, 談愛情講拍拖, 唔係為左揾個伴, 係為乜.?

好confuse..睇左朋友個朋友個blog, 拍拖唔係揾個伴, 係為左提升自己靈魂?

由阿媽既音波功, 電視女主角, 身邊朋友同自己既成長環境教育下..拍拖結婚找另一半..唔係為左有個人照顧自己, 愛錫自己, 有咩事有個人理...係為乜呢...?係要有呢個大前提, 你先會想找個喜歡同佢一齊既伴, 找到個人, 培養到感情, 建立到你同佢既經歷, 感動過後, 再問下大家愛唔愛大家, 再決定係咪可以committe照顧大家一生世, 令對方開心快樂...呢啲愛情都係只不過揾個伴既附產品, 令你呢個"伴"可以長久啲, 但咁咪又係為左揾個伴!!!! 不過"伴"呢個字定義有好多, 可能佢個伴未到佢要求啫, 但係咪又係一個伴....

不個呢個伴係幫你分担多啲實質既野, 定係心靈上既野就係程度上既組合分別jer.  尤其係如果你年紀越大, 就越唔會再有咁多心情去期待純真既愛情.  現實世界裡, 拍拖唔係為揾個伴, 要好似小龍女愛楊過咁單純既愛情好難揾, 所以"遷就"呢兩個字先會咁多人想學.  遷就係因為你想佢開心, 你就開心, 還是只係一個做伴既deal ---遷就佢係因為大家想做伴既時候會容易啲, 長久啲, 但係遷就完佢佢開心, 但係你就唔開心呢..? 我諗呢個就係所謂拍拖係因為想揾個伴, 定係提升靈魂既分別. 仲可以答埋好多人會問自己既問題:究竟我同佢一齊係咪真係因為愛佢呢??????還是為了什麼!

找到一個你遷就完佢你都好開心既伴, 係你既褔氣.

有冇發覺, 無論男女老少, 都鐘意有咩事就扮聽唔到, 原來扮聽唔到, 係一個最好, 最簡單, 最易做, 最唔怕得罪人, 最可以留後路既"耍"人技巧, 唔駛學, 係人都識, 仲係人都會成日用.

看更唔想郁, 有人按大閘鐘, 總要按多三四五次佢先扮如夢初醒, 希望三四五次前有其他人一咁啱入閘, 等佢唔駛出泥開門比啲唔記得password既人. 我肯定, 佢地次次都係聽到既.  當佢發覺你face 黑黑, 佢就會話:aiya..唔知係咪耳仔唔"lan", 聽唔到你按左咁耐鐘:頂, 聽唔到你又知我按左咁多次....??

小朋友唔想聽父母話, 每次啲阿媽叫仔, 佢地都扮聽唔到.越走越遠, 到啲阿媽喊打喊殽, 又或者話:你番泥我買糖比你食....個耳仔又忽然lan番噃..即係走番埋有jet so既阿媽身邊.

男朋友或老公, 老婆暗示啲乜都係扮聽唔到先, 到個女人發皮四不可收拾時, 佢地就會扮aiya, 我聽唔到, 你同我講多次ma..如果我一早知道點會咁咁咁jer...我梗係會聽晒你話啦...如此, 又可以dov番之前唔理佢既罪過.

老細開會做野都一樣, 個個同事有咩事都係度扮睇minutes, 對老細問既唔識答問題唔出聲, 但係又唔會認佢唔識, 唯有扮聽唔到個問題, 人地問佢仲咩唔答人, 咪話:下, 你問咩話, 我聽唔到呀...係唔會話"我唔知架噃"

最勁既人就係啲老人家, 最最最最鐘意扮耳仔唔好:尤其事係佢打jim你同佢講野既時候, 又或者你叫佢做呢樣做果樣既時候, 佢就會話:aiya..我耳仔聽唔清楚呀..下..下,..下..?唔知呀..下..?睬你都傻咁..其實不知幾lan, 你試下講下少少野, (例如以前日本仔點衰點衰 , 佢即刻同你講舊屎呀....), 幾多老人家都唔知幾鐘意樹起隻耳仔聽人講野呀...

 仲有呀仲有呀..通常男女朋友是但一個叫分手...另外果個都最鐘意扮聽唔到..當無事發生.

其實, 你扮聽唔到, 係咪真係可以唔駛處理呢個問題呢..即係如果你生cancer唔去驗身, 咁係咪即係等如你個cancer唔會病發呢.....???

呢排係街, 成日見到啲男仔用粗口罵女朋友, 真係唔敢想像, 一對應該ee oioi既情人, 點解會用啲咁既方法溝通...唔明.

一日喺巴士,男朋友話:咪咁咁咁, 咁咪所以咁囉. 呀女話: 咁我咪話左唔記得ma..你而家講咪知囉, 我頭先唔識分ma....男忽然話:我小老母, 咁x大聲仲乜x呀, 再大聲啲ar, 笨x, (女仍然無聲但勁怒bear中), 我x你老母, 叫你大聲啲呀, 笨x..repeat再多一次.

一日, 又喺地鐵到見到一對充滿愛心既父母, 個bb喺度撒嬌要落車, 爸爸媽媽都好親愛咁同bb玩叫佢唔好喊, 媽媽不斷用bb話同bb傾計, 跟住又話...要落車車呀, 去邊度呀, 你要去邊度呀..daddy, 我地去邊度呀....忽然, daddy好大聲話:x你, 駛唔駛比張大字報你話比全世界人知去邊呀, 咁x大聲, 再x大聲啲ar..去邊去邊, 笨x. 唔駛一秒, 九秒九個爸爸變左臉, 對住個bb又講bb話, 個bb仲打左佢一野叫佢走開, 但係佢都冇嬲, 真係攞泥賤.

兩個故事, 都唔明點解佢要咁激動, 又唔明點解要用粗口罵個女仔....唔通而家個年代女仔真係咁可憐.......:(

唔通呢排周星駛等錢駛.....兩套戲都唔好睇.都..好失望呀...你知呢, 我呢啲無文化既人...only鐘意睇笑片....但係長江同少林少女都好唔點, ...唉....................................

反而昨日有朋友多左飛, 成五百蚊兩張架.....係苗圃既charity film show, 以為實好老土...但係套戲我覺得真係拍得好好, touching得泥一啲都唔造作....如果係一啲出名啲既名星拍, 分分鐘可以上到戲院綫, 一定有人睇....

佢講一個中國大學生, 志願到山區當老師, 因為好多人都會咁做, 但係個個一去到都係捱唔到, 好快就走左, 小朋友以為老師唔鐘意佢地所以走...所以啲小朋友次次有新老師泥, 叫佢地朗讀課本既時候都揭斯底"你"咁朗出泥, 果一幕真係好好感人......我都有捐錢支持佢 地, 加油!!

califonia真係ok噃...次次係旺角揾厠所, 都諗起呢個會費真係弟....喺鬧市中可以去到一個咁乾淨既厠所, 真係好有ice中送碳feel呀...wahai....

但係出街去厠所, 女仔真係要小心啲..唔好用佢地啲紙巾...嘩, 上次用左...又賴野...好q痕呀.....

頂, 寫左篇鬼死咁長既鵝頸穚碰著她既日誌, 點知林尾襟錯制...冇左....妖, 唯有是但sum up 下..唔再寫番啦.

大致係咁啦:執屋好多垃圾, 例如啲捐唔到既舊高跟鞋, 贈品水杯呀, 煲呀咁...唔知擲去邊好...睇左一百萬人既故事, 知道好多好窮既人真係可能會需要呢啲野賣或者買, 又咁啱喺鵝頸穚見到啲咁既阿婆, 所以的起心肝執晒去比佢地..佢地有四個. 我仲好小心好小心咁一早分好幾份"同等價值"既雜物比佢, 費事佢地大打出手....

佢地收到既時候真係好開心...我屋企又乾淨晒...一舉兩得咁, 大致係想講啲咁既野啦...@_@激死

的起心肝跑步去.lallalala

今日睇報紙, 有人話大陸所有人民都被温總既表現大為感動, 令到中國人團結起來, 真的, 以前中國被人入侵, 好多人都話係因為中國人唔團結, 話一個中國人可以打十個日本仔, 但係一個日本仔就可以打好多個中國人...因為人越多, 但係就係唔團結, 仲衰過得一個人.......如今, 我地睇到好多人都自願做晒自己可以做到既野,果份熱情, 好令人感動.

但係呀唐山writer就喺呢個時候, 提點所有領導人, 不要在黃金時間將震災當做騷, 誇揚點樣做, 做左幾多野等...其實我覺得佢講得啱, 但係以今次温總既表現, 我覺得佢係真心關心, 痛心人民既....雖然你話不如留番啲時間救人仲好, 但係其實佢去到災區鼓勵仲埋喺地下既人, 真係可以增強佢地既生命力, 仲有, 啲小朋友真係好需要人安慰, 心靈創傷唔係講笑...佢既安慰, 可能真係可以救將來一個弱小生命...我覺得佢目光好遠大, 好尊敬佢...

天災令人痛心, 見到電視既畫面真係.......

有温家寶既領導, 係不幸之中最令人安慰, 加油呀.

另, 而家努力做運動中, 逄星期二/三跑步, 堅跑果隻, 星期六/日打波, 而家仲約多一個朋友, 逄星期四/六早跑步......一定要堅持呀, 唔想做肥婆.

隻手粒大水瘤無啦啦冇左噃, 好神奇, 唔知係咪同做多左運動, 個人通番好多呢....:)

五月啦, 五月啦....又到五月啦....

今日喺三聯睇左本書...永恆的女性, 寫得幾好噃....一啲哲學愛情, 其中一句話:愛他便會心疼他....一個人可以喜歡好多人, 但係會心疼既就可能得一個....

係呀..所以我不嬲都會知道自己愛邊個, 例如會諗下...如果有賊人打劫, 我會代阿媽擋子彈啦, 阿爸擋刀啦..因為怕人地傷害佢地時會心疼ma.....如果喺阿哥呢..咁就要諗下啦...如果係朋友呢...梗係唔會啦....:p如此類推..咁你就會無形中將身邊既人排位..知道邊個係你心底中最愛架la......:)

記得唔記之前有套電影, 講個男仔暗戀一個女仔, 成日送小密蜂做代表.....自此之後, 我就覺得好得意la...:)

之前有七個蜂做配音既電影, 好想睇但係都係睇唔到呀....跟住想買碟又揾唔到..因為度度都冇賣..初頭以為佢唔出碟啦...點知一日喺間鋪仔度揾到佢....好開心呀

睇完之後真係好鄧佢唔弟呀....因為真係好好睇架...啲小動作好得意, 對白好弟死, 不過我諗小朋友睇會唔係太明, 因為啲對白要喺大人先明既笑話, 可能就係因為咁, 所以唔係咁多人留意到啦..但係呢套戲真係幾特別....我支持佢呀...!!!!!!

今年好少食早餐, 因為:

1. 平時買開果間小食店, 一路都覺得佢夾啲腸粉好少, 成十蚊得果幾條(係切開左既幾倏 即係原裝可能得兩條)...享, 佢今年車然仲要加價到去十二蚊, 仲有少多人買既時候再比少啲我...啍, 以我天蝎座既性恪,,係咪肯定唔會再幫襯佢先...要低制佢先.

2.  附近仲有兩間茶餐廳, 一間臭串到暴, 上次買外賣車然趕人?走, 落完order之後, 好惡咁話:全部出去等啦, 呢度地方淺窄....xydfd$#@$, 啍, 以我天蝎座既性恪,,係咪肯定唔會再幫襯佢先...要低制佢先...?

3. 仲有一間, 個老板良卝常好, 好有禮貌, 但係呢, 所有早餐一定要連野飲....我都唔鐘意飲, 咁叫個set又好似好唔弟...咁係咪又唔想幫襯佢先....?

好啦, 咁唯有買左個花生醬, 諗住日日去買啲白方包番公司搽泥食啦, 點知好多地方都冇白方包賣, 我又唔想日日放工走到咁遠去supermarket買定....

 最後, 今日終於諗起.....遠在天邊....不如試下對面馬路間ok睇下啦....嘻, 發現原來好多人會喺朝頭早去ok買熱食架....今日我就叫在個抄臉...$7蚊咋, 雖然份量少左啲, 但係個呀姐又好人事, 仲有白方包買, ......哈哈...今個早餐fit晒我要求...yeah

唔知幾時開始...想減少食肉...好似好多人一樣...一來怕肥, 一來當積下陰德....唔做食肉獸.

但係大家都明..除左忍唔住之外...喺呢個現今社會...唔食肉好難生存...就算朋友屋企人就你...你都覺得好掃興..所以而家唯有自己一個既時候, 除卝好想食,苦果唔係...都有咁少食咁少..留番個quota同啲朋友食飯...廢事咁老土.

終於都明白點解要成功收道...就要出家...斷六親先做到啦......

我都開始有啲驚...因為我每次食肉都好有罪惡感, 又成日將"感恩"掛喺口邊...覺得自己越泥越老土...好有基督徒feel...唉, 但係最慘係我又好怕同啲基督徒做朋友....兩頭唔到岸, 仲唔係有孤獨危機.....?

啱啱先食緊個牛肚米....點知電視機又做緊有個阿伯由養豬場轉做牛場...見到啲牛仔真係好得意, 好聽話,好似狗仔咁...個主人都話弟時要賣左佢比人食, 都會好唔捨得.....

唉..等我食食下都冇晒心機...覺得自己又對啲牛唔住....咁點算呀...??????????

有冇人信.....我從來冇去過拜山.....

記憶中父母都好少去....到而家我都搞唔清呀婆呀公, 呀爺呀ma葬喺邊........

又有冇諗過自己第時如果死左, 邊個會掛住自己, 邊個會泥燒啲錢比我洗下呢....諗到呢到..就明白點解以前啲人咁緊張要有仔送終....

講開又講, 又有啲想揾工tim, 邊個公司想請靚女呀............