要維繫一段感情, 先要願意放棄執著, 然後學會包容同寬恕.  人心肉造, 請先不要把你的情人當為聖人, 要求十全十美, 只收好, 厭棄壞.

唔明又或者明但係又做唔到, 可能需要賠上遺失感情的學費.  人是那麼的脆弱, 更何況是感情?  所以一段辛苦建立回來的感情, 更加需要付出去珍惜.  希望我為你準備的東西, 你們永遠也用不著.......

實在太唔鐘意屋企個廚房同厠所, 但係又無錢....諗起有人話愉景灣有啲樓都ok平, 但係裝修又ok, yesterday就走去睇下, 第一次去愉景灣, 八逹通一do...$27...心都赤埋, 唉, 即係唔駛諗,,太貴啦.

入到去, 真係好靚噃, 但係呢如果要住平樓, 就多數都要轉車...去一樓平台睇下啲agent, 都有啲幾千蚊, 但係間屋真係好靚.  如果有啲套票, 交通費平啲, 都諗得過...不過每次諗起搬屋, 都好唔開心, 又諗番要一個人自己照顧自己既感覺.  我巳經同佢講左好多次自己既感覺, 但係始終都無人明咁. 有時諗起, 個心好難受. 

如果我番中環, 一定會住愉景灣呀...

日記, 係一個好好用來抒發既地方, 無故事, 唔似睇戲咁有好睇唔好睇, 只係有自己先會感受到既回憶.  其實我唔想有人會睇我既日記, 起碼唔想知道, 因為只係想好似可以同唔知邊個分享下感覺, 可以大胆啲, 但係又好過只係對住屋企隻貓傾計咁.

今日我聽到佢婆婆過身既消息, 好心痛, 因為好担心佢媽咪,....生老病死.....每次喺你身邊發生左都好難睇得開, 唔識太多安慰說話, 我既身份亦好難出到一分力,,只係希望時間快點過去, 讓你心情好好平伏, 回復到以往開開心心既生活..............