 
|
    |
今日睇報紙, 有人話大陸所有人民都被温總既表現大為感動, 令到中國人團結起來, 真的, 以前中國被人入侵, 好多人都話係因為中國人唔團結, 話一個中國人可以打十個日本仔, 但係一個日本仔就可以打好多個中國人...因為人越多, 但係就係唔團結, 仲衰過得一個人.......如今, 我地睇到好多人都自願做晒自己可以做到既野,果份熱情, 好令人感動.
但係呀唐山writer就喺呢個時候, 提點所有領導人, 不要在黃金時間將震災當做騷, 誇揚點樣做, 做左幾多野等...其實我覺得佢講得啱, 但係以今次温總既表現, 我覺得佢係真心關心, 痛心人民既....雖然你話不如留番啲時間救人仲好, 但係其實佢去到災區鼓勵仲埋喺地下既人, 真係可以增強佢地既生命力, 仲有, 啲小朋友真係好需要人安慰, 心靈創傷唔係講笑...佢既安慰, 可能真係可以救將來一個弱小生命...我覺得佢目光好遠大, 好尊敬佢...
五月啦, 五月啦....又到五月啦....
今日喺三聯睇左本書...永恆的女性, 寫得幾好噃....一啲哲學愛情, 其中一句話:愛他便會心疼他....一個人可以喜歡好多人, 但係會心疼既就可能得一個....
係呀..所以我不嬲都會知道自己愛邊個, 例如會諗下...如果有賊人打劫, 我會代阿媽擋子彈啦, 阿爸擋刀啦..因為怕人地傷害佢地時會心疼ma.....如果喺阿哥呢..咁就要諗下啦...如果係朋友呢...梗係唔會啦....:p如此類推..咁你就會無形中將身邊既人排位..知道邊個係你心底中最愛架la......:)
記得唔記之前有套電影, 講個男仔暗戀一個女仔, 成日送小密蜂做代表.....自此之後, 我就覺得好得意la...:)
之前有七個蜂做配音既電影, 好想睇但係都係睇唔到呀....跟住想買碟又揾唔到..因為度度都冇賣..初頭以為佢唔出碟啦...點知一日喺間鋪仔度揾到佢....好開心呀
睇完之後真係好鄧佢唔弟呀....因為真係好好睇架...啲小動作好得意, 對白好弟死, 不過我諗小朋友睇會唔係太明, 因為啲對白要喺大人先明既笑話, 可能就係因為咁, 所以唔係咁多人留意到啦..但係呢套戲真係幾特別....我支持佢呀...!!!!!!
今年好少食早餐, 因為:
1. 平時買開果間小食店, 一路都覺得佢夾啲腸粉好少, 成十蚊得果幾條(係切開左既幾倏 即係原裝可能得兩條)...享, 佢今年車然仲要加價到去十二蚊, 仲有少多人買既時候再比少啲我...啍, 以我天蝎座既性恪,,係咪肯定唔會再幫襯佢先...要低制佢先.
2. 附近仲有兩間茶餐廳, 一間臭串到暴, 上次買外賣車然趕人?走, 落完order之後, 好惡咁話:全部出去等啦, 呢度地方淺窄....xydfd$#@$, 啍, 以我天蝎座既性恪,,係咪肯定唔會再幫襯佢先...要低制佢先...?
3. 仲有一間, 個老板良卝常好, 好有禮貌, 但係呢, 所有早餐一定要連野飲....我都唔鐘意飲, 咁叫個set又好似好唔弟...咁係咪又唔想幫襯佢先....?
好啦, 咁唯有買左個花生醬, 諗住日日去買啲白方包番公司搽泥食啦, 點知好多地方都冇白方包賣, 我又唔想日日放工走到咁遠去supermarket買定....
最後, 今日終於諗起.....遠在天邊....不如試下對面馬路間ok睇下啦....嘻, 發現原來好多人會喺朝頭早去ok買熱食架....今日我就叫在個抄臉...$7蚊咋, 雖然份量少左啲, 但係個呀姐又好人事, 仲有白方包買, ......哈哈...今個早餐fit晒我要求...yeah
唔知幾時開始...想減少食肉...好似好多人一樣...一來怕肥, 一來當積下陰德....唔做食肉獸.
但係大家都明..除左忍唔住之外...喺呢個現今社會...唔食肉好難生存...就算朋友屋企人就你...你都覺得好掃興..所以而家唯有自己一個既時候, 除卝好想食,苦果唔係...都有咁少食咁少..留番個quota同啲朋友食飯...廢事咁老土.
終於都明白點解要成功收道...就要出家...斷六親先做到啦......
我都開始有啲驚...因為我每次食肉都好有罪惡感, 又成日將"感恩"掛喺口邊...覺得自己越泥越老土...好有基督徒feel...唉, 但係最慘係我又好怕同啲基督徒做朋友....兩頭唔到岸, 仲唔係有孤獨危機.....?
啱啱先食緊個牛肚米....點知電視機又做緊有個阿伯由養豬場轉做牛場...見到啲牛仔真係好得意, 好聽話,好似狗仔咁...個主人都話弟時要賣左佢比人食, 都會好唔捨得.....
唉..等我食食下都冇晒心機...覺得自己又對啲牛唔住....咁點算呀...??????????
呢幾日睇heroes...開頭好驚呀....一有死人呀...奇異事件呀...我睇左就會好難唔記得..久唔久諗番啲鏡頭, 唔敢沖涼唔敢去厠所咁呀...
劇裡面有好多異能人, 咁多種能力, 我諗我最唔想要既係讀心術. 如果有呢種能力既話, 我諗我會好孤單. 有人好鐘意睇人地既電話呀, 日記呀....某啲時候我都會忍唔住咁做....但係多數我都唔會咁做...以前係覺得因為做人要有道德, 要尊重別人私隱之類咁既廢話....但係其實咁耐以泥, 而家尤其係..我好冇興趣睇人既私穩......因為, 我真係覺得, 除卝係好有必要, 睇到既野係你既選擇既關鍵, 如果唔係, 我奉勸各位, 千祈...唔好睇.
當你有機會去睇人既野既時候....有冇問過自己, 究竟你要睇到咩先會開心?又或者咁講, 你要睇到咩你先會收手?
如果你今次咩都冇發現, 你會有點失落嗎?因為你咁takerisk咁去睇, 但係冇料到...安心之餘, 但係又會諗, 可能今次冇jer, 下次可能會睇到啲野....到左下次, 又係咁..又到左下次,....如果你真係睇到啲你唔想睇到既野...咁你又會點呢?係咁要咁你先會開心呢.....?
如果比你聽到晒人地個心諗咩.....我諗, 我一定會好唔開心...好難面對對自己講大話既人...如果對方要講大話, 如果佢既大話係永遠唔會穿既...都未必唔係好事呀...
柬埔寨未confirm到機位...其實朋友聽到我去呢個trip, 有唔同反應....我只係好想講, 呢個trip其實好cheap, 一年都有幾次, 去唔係偉大既表現, 但係起碼我而家好想傳逹一個訊息, 就係每個生活喺安定社區既幸福人, 就算你啲時間忙喺享受人生又好, earn緊好多錢諗緊點投資又好, 覺得"我呢家咁點, 咁安穩, 做咩要無啦啦去埋啲咁既地方幾日, 悶死, 臭死, 浪費晒啲假"又好, 其實....呢個世界好大, 如果你只係太側重好單向既生活體驗, 心胸係唔會廣闊, 人生係好唔夠完美的.
如果要我一世做義工, 唔享受唔識講生活, 成日都係為左人..付出太大, 我唔欣賞咁極端既人生.
但係如果我有條件, 但係又只係講生活, 講享受, 一啲都唔係付出小小去感受下世界既另一面, 咁我就會覺得我無比機會自己去擴闊個心胸, 有啲浪費.
其實賴偉大既野唔駛一定要成日做, 只要你有咁既意願, 真係有時間, 有興趣既時候參與下, 咁就巳經足夠, 因為我保証你, 你得到既, 一定唔會少過你付出的.
希望我愛既所有人, 明白到有能力拖捨別人的幸福.
我仲左六合彩四個字呀...公司同事九男女夾份買九個字複式, 總共有$4000蚊呀...
計劃攞啲錢食雪糕啦, 食lunch啦, 食dinner啦, 過大海啦, bbq啦..brbabrbrababrbrba...仲左果啲大家仲決定如果老細果日叫俄地做野..我地就會話..咩話?下?喂?喺果度呀, 自已攞啦...小小野都叫我......
次次我都會諗中左頭獎會做咩呀....分好左比有份既人之後, 首先我會shop一日ping, 買好多好多冇淢價既野, 然後買一樣好想好想實現到即禮物比呀邊個, 佈置番啲hallo吉涕. 跟住買兩間屋喺附近, 一間比呀爸呀媽, 一間比自己啦, 如果有多左錢就比啲啲呀哥, 睇下佢又可唔以住埋附近.....就係咁, 冇乜大志咁啦...
好易中呀咋...等我!
我今日好開心, 因為都有好多同事都去呢個trip呀….呢個世界都有好多人好願意去付出,幫助一啲真正需要既人….我覺得happytree個主席真係講得好好..有能力幫助別人巳經係一種福氣….我地要好好珍惜.
第二, 今日我聽到後面個同事, 幫一個保護遺棄動物既組織籌緊錢….各同事聽佢一番解釋都好願意捐少少錢(我都捐左$90, 係今日全部身家loo)…..大家對啲衰人咁殘忍咁對啲動物都好想做番啲野…..今日我又了解多左一個志同道合既人….好開心
有人肯幫苦貧既人, 又有人肯幫無助既動物….希望佢地全部都好人有好報….:)
(按此留言)
